6562 - Menning av talgildari undirvísing í verki
Skeiðsupplýsingar
- Heiti
- Menning av talgildari undirvísing í verki
- Skeiðsnummar
- 6562.26
- Lestrarár
- 2026-2027
- ECTS
- 10,00
- Stig
- Master
- Deildir
- Námsvísindadeildin
- Útbúgvingar
- B.Ed. sum fólkaskúlalærari
- Fortreytir
- Bachelor innan undirvísing og/ella námsfrøði ella sambæriliga útbúgving og hava 2 ára viðkomandi starvsroyndir.
- Undirvísingarmál
- Føroyskt
- Tilmelding
- Skeiðið er fyri luttakarar, sum hava bachelor innan undirvísing og/ella námsfrøði ella sambæriliga útbúgving, og hava 2 ára viðkomandi starvsroyndir. Umsókn skal latast Lestrarskrivstovuni: umsokn@setur.fo
- Byrjanardato
- týsdagur, 25. august 2026
- Endadato
- týsdagur, 22. desember 2026
Fakligt innihald
- Endamál
- Endamálið við hesum skeiði er at geva tí lesandi førleikar at menna, royna og meta um talgilda undirvísing í egnum undirvísingarhøpi. Skeiðið skal styrkja førleikarnar at taka didaktiskar avgerðir um nýtslu av kt við støði í læring, trivnaði, luttøku og fakligum endamálum. Dentur verður lagdur á at leggja til rættis og tillaga talgildar undirvísingargongdir í egnum praksis og at fyrihalda seg refleksivt til avbjóðingar í talgildum skúlahøpi.
- Læruúrtøka
- Tá skeiðið er lokið, skulu tey lesandi duga at - leggja til rættis, royna og tillaga talgildar undirvísingargongdir við støði í fakligum og námsfrøðiligum endamálum - meta um, nær og hvussu kt hevur didaktiskt virði í undirvísingini, og grundgeva fyri egnum didaktiskum valum - vísa við ítøkiligum dømum, hvussu talgild amboð og arbeiðshættir kunnu stuðla undir læring, luttøku og trivnað hjá næmingum - greiða frá, hvussu ymiskar næmingafortreytir hava týdning fyri arbeiðið við talgildari undirvísing - greina avbjóðingar, ið kunnu standast av talgildari undirvísing, eitt nú skermnýtslu, sosialum miðlum, órógvi og margvirkni (multi-tasking) - eftirmeta egna undirvísing, har kt er partur vísa eina refleksiva tilgongd til arbeiðið við at menna undirvísing í einum talgildum veruleika
- Innihald
- Skeiðið er skipað rundan um hesi evni: - Menning av talgildari undirvísing í egnari praksis - Didaktiskar avgerðir um nýtslu av kt í undirvísing - At leggja til rættis talgildar undirvísingargongdir - At royna, tillaga og menna undirvísing við støði í egnum royndum - Eftirmeting av undirvísing, har kt er partur - Kt í mun til læring, faklig endamál og luttøku - Kt í mun til trivnað og ymiskar fortreytir hjá næmingum - Skíggjanýtsla, sosialir miðlar, órógv og margvirkni (multi-tasking) í skúlahøpi - Refleksiv og fakliga grundað nýtsla av kt í veruligum skúlahøpi
- Læru- og undirvísingarhættir
- Styttri og longri fyrilestar, samstarvandi lærutilgongdir, lesiringar, einstaklinga- og bólkaframløgur av ymiskum slagi, ymiskar skrivivenjingar og styttri og longri evnisarbeiði.
Próvtøka
- Próvtøkuháttur
- Virkin luttøka
- Próvdøming (innanhýsis/uttanhýsis)
- Innanhýsis
- Próvtalsstigi
- Staðið/Ikki staðið
- Próvtøkudagur/dagar
- Próvtøkur verða í viku 1,2 og 3, 2027 Undirvíst verður: 25. aug, 8. sep, 22. sep, 6. okt, 20. okt, 3. nov, 17. nov, 1. des, 15. des
- Freist fyri frámelding til próvtøku
- týsdagur, 25. august 2026
Ábyrgd og undirvísarar
- Ábyrgd
- Hans Harryson
- Undirvísarar
- Tóri Slættalíð